Musikak eta mozorroek beteko dute Plaza Barria

2018/02/01 Bilboko Konpartsak

Soul, blues eta country doinuak izango dira Aratusteetako osagai nagusia

Bilboko Aratusteetako bigarren asteburuari gogoz ekiteko, bertoko musikariek kontzertua emango dute ostegunean, otsailaren 8an, 21:30ean. Nobedade gisa, musika-emanaldia Plaza Barriko oholtzaren gainetik eskainiko dute Mississippi Queen & The Wet Dogs eta Ou Mama taldeek. Laugarren urtea izango da Jai-batzorde Mistoak ekimen hori sustatuko duena. Beraz, Zazpi Kaleetan ez da musika faltako. Gainera, kontzertuaren aurretik, 20:00etatik aurrera, Fritanga elektrotxarangak kalez kale ibiliko baita auzoa girotzen.

Musika-taldeak

Mississippi Queen & The Wet Dogs: Bilboko rock eta soul musika-taldea. Inés Goñi (abeslaria), Aitor Zorriketa (gitarra), Virginia Fernández (bateria) eta Gabo “Brown” León (baxua) dira taldeko kideak. Hiru urteko ibilbidearen ostean, euren lehenengo LP-a grabatu dute.

Ou Mama!: Getxoko blues eta country musika- eta umore-taldea. Taldekideak dira Oier Garamendi (ahotsa), Javi Alonso (gitarra), Aitor Karras (baxua), Iñigo Mentxi (baxua eta koruak) eta David Pereiro (koruak). Taldea 2014an estreinatu zen.

Fritanga elektrotxaranga: Arrigorriaga eta Ugaoko zazpikoteak osatutako musika-taldea. Eurek diotenez, “jai guztietan kontzertua berandu hasteko prest”.

Agenda:

20:00 Kalejira: Fritanga elektrotxaranga, Unamuno plazatik..

21:30 Kontzertua: Mississippi Queen eta Ou Mama!, Plaza Barrian.