Badator San Juan gaua!
San Juan gaua urteko gaurik motzena da eta urtero gure herrian, beste askotan bezalaxe, sutzar handia pixten da gaua heltzean .
Bilboko Konpartsok ,urtero bezala, ekainak 23ko gau magikoa ospatuko dugu Etxebarria parkean 19:30etatik aurrera.
Aurreko urtean landatutako lizarraren inguruan lurraren errituala eginez emango diogu hasiera udako solstizioaren ospakizunari eta ondoren ilunabarraz gozatzen jarraitzeko aukera izango dugu sua errautz bilakatu arte.
Gogoratu , Bilboko Konpartsok antolatutako egitarauaz gain, Bilboko auzoetako jai batzorde ezberdinek (Auzotarrok) antolatutako hainbat ekintzetaz gozatzeko aukera ere izango dugula bilbotarrok.
Hauek, urteroko ohiturari jarraituz, ekainaren 23ko arraltsalde-gauerako ume, familia, gazte eta, orokorrean, adin eta publiko guztientzako hainbat jarduera antolatu dituzte: umeentzako tailer eta ekintzak, txokolate-jana, animazioa musika eta antzerki talde ezberdinen eskutik, parrilladak, bingoak, herri afariak… eta, nola ez, ohiturazko sua.
