Bilboko Aratuste Barikua Farolin eta Zaranbolasen egun handia izan ohi da, Aratuste Asteko ostiralean. Pertsonaia horien atxiloketa, epaiketa eta irain publikoaren inguruko antzezlan musikala ikusiko ditugu arratsean, baita Kopla Txikien lehiaketako irabazleen emanaldia ere. Aurretik, goizean, ikastetxeetako haurren kalejirak girotuko du Botxoa, Kale Nagusitik Areatzaraino jaitsiz.
| Aratuste bariku goiz hau 10:30ean hasiko da ikastetxeen kalejirekin, Albian, Kale Nagusian, Areatzan eta Plaza Barrian zehar. Jarraian, 11:00etan, Plaza Barriko karpan, txokolatada eta Piraten festa izeneko haur ikuskizuna izango dira. Arratsaldean, 17:45ean, mozorroak ikusiko dira berriro ere Bilboko kaleetan. Ordu horretan, Farolin eta Zaranbolas atxilotu aurreko kalejira abiatuko dakalejira Sama Siku fanfarreak lagunduta, udaletxetik, zeina Arriaga plazara helduko den ordu erdi beranduago, Aratusteetako ikonoen atxiloketarako. Ondoren, 19:00etan, Plaza Barrian, Bilbotarrek Farolin eta Zaranbolasen epaiketa eta irain publikoa gozatu ahal izango dituzte; ez galtzeko moduko antzezlana. 20:00etan, Aratusteetako Kopla txikien X. lehiaketako irabazleen emanaldia ikusiko dugu. Jarraian, 20:45ean, Aretoko dantzak izango dira karpan bertan, Bilbao Sozial Dantzaren eskutik, eta, amaitzeko, 22:45ean, Asier Bilbaoren 1000 kolore show ikuskizuna ikusi ahal izango dute gerturatutakoek. 2025eko Aratuste Barikuko programazio osoa: 10:30 Albiako Lorategitik: Bilboko ikastetxeen desfilea Ibilbidea: Albia Lorategiak – Kale Nagusia – Areatza – Plaza Barriko karpa 11:00 Plaza Barriko karpa Txokolatada eta haur ikuskizuna ZONBI FESTA Panpotx kultur Elkartea 17:45 Udaletxetik Farolin eta Zaranbolasekin kalejira SAMA SIKU fanfarrearekin 18:15 Arriaga plaza Farolin eta Zaranbolasen atxiloketa 19:00 Plaza Barriko karpa Epaiketa Farolin eta Zaranbolasi + Irain publikoa 20:00 Plaza Barriko karpa Aratusteetako kopla txikietako irabazleen emanaldia 20:45 Plaza Barriko karpa Aretoko dantzak: BILBAO SOZIAL DANTZA 22:45 Plaza Barriko karpa ASIER BILBAO: “1000 KOLORE” Show |
